A V edición das Xornadas de Portas Abertas das Rutas do
Viño de Galicia, que organiza a Axencia de Turismo de Galicia celebrase na comarca
de Valdeorras os días 28 e 29 de maio. 8
adegas, dous aloxamentos, dous restaurantes e unha empresa de turismo activo
pertencentes á Ruta do Viño valdeorresa
participan nestas xornadas nas que a base son as visitas gratuítas ás adegas, prezos especiais nos aloxamentos e
menús preparados para esta actividade. A todo isto engadíuselle o transporte tamén de balde para poder
visitar as adegas durante a fin de semana. Este ano haberá 4 minibuses na
ruta do sábado e cada un deles visitará dúas das oito adegas dispoñibles. O domingo, como novidade, o transporte de balde partirá das cidades de
Ponferrada e Lugo para atraer visitantes desas dúas localidades ás adegas e
restaurantes participantes.
Por outra parte este ano celebrarase, coa colaboración do
Concello do Barco, a terceira Festa de Portas Abertas, o día 28 pola
noite, no paseo do Malecón. A festa contará con venta especial de viño e
pinchos á beira do río Sil e coa
actuación do grupo musical valdeorrés: Los Iñigos.
Ademais destas actividades os restaurantes participantes
terán un menú especial Portas Abertas e
os aloxamentos ofrecen prezos especiais para esa fin de semana. Este ano
outra das novidades son as rutas con prezo especial que ofrece unha empresa de
turismo activo na zona do Bolo.
As reservas das prazas nos autobuses gratuítos poden
facerse chamando ao 619086326 ou enviando un correo a valdeorrasesvino@gmail.com.
AQUI TENDES TODO O PROGRAMA:
·
Transporte
gratuíto para visitar as adegas o sábado
A actividade principal, que se prolongará durante toda a
fin de semana, será a visita de balde ás 8
adegas da Ruta deste ano. Os adegueiros abrirán as súas portas e
ofrecerán pinchos e un viño por persoa sen cobrar nada aos visitantes. Este ano
haberá 4 minibuses na ruta do sábado e cada un deles visitará dúas das
oito adegas dispoñibles en horario de
mañá e tarde. O domingo o transporte gratuíto partirá das cidades de Ponferrada
e Lugo. Unha vez na comarca visitarán adegas e poderán comer os menús
especiais de Portas Abertas nos tres restaurantes participantes. Os
visitantes tamén terán a oportunidade de
coñecer as adegas desprazándose pola súa conta a calquera delas dentro dos
horarios marcados. O sábado as visitas libres serán en horarios: 11:30, 13:00 e 18:30 horas e o domingo ás 12:00 horas.
·
III Festa portas abertas no Barco o día 28 de maio
O programa deste ano mantén a festa de portas
abertas que se celebrará de 19:30 a 21:30 horas no Paseo do Malecón
do Barco. Alí os visitantes poderán degustar os viños das adegas a un prezo
especial de 1´5 €/copa mentres
escoitan a música do grupo valdeorrés Los
Iñigos e degustan pinchos elaborados polos restaurantes da Ruta, tamén a 1´50
€ cada un. Esta festa conta coa colaboración do Concello do Barco para a súa
organización igual que nos anos anteriores.
- Transporte gratuíto dende Lugo e Ponferrada o domingo
·
Participantes nas Xornadas de Portas
Abertas Valdeorras
Adegas: Joaquín Rebolledo, A Coroa, Alan de Val,
Godeval, Roandi, Virxe de Galir, O Cepado e O Casal
Establecementos
hostaleiros: Mesón
Museo, Pazo do Castro, Piquiño , Casa Rural Pacio do Sil
Empresa
turismo activo: Celavente
Multiaventura
