A Ruta 3 do sábado pola tarde levará aos visitantes ata Roandi e Virxe de Galir

A V edición das Portas Abertas de Valdeorras terá 4 rutas con transporte gratuíto o sábado 28 de maio durante todo o día. Cada ruta permitirá coñecer dúas adegas na que os visitantes coñecerán os adegueiros, cataran un dos viños e tomarán un pincho.  A Ruta 3 do sábado pola tarde levará aos visitantes ás adegas Roandi e Virxe de Galir na localidade barquense de Éntoma. Nas dúas adegas poderán descubrir os viños de Valdeorras tanto tintos como brancos.

Os interesados en coñecer estas adegas teñen que reservar a súa praza no autobús gratuíto enviando un email a: valdeorrasesvino@gmail.com ou chamando ao 619086326.