miércoles, 23 de noviembre de 2016

A Ruta do Viño de Valdeorras conta con nova directiva co adegueiro Joaquín Sánchez como presidente

Os membros da nova Xunta Directiva da ruta valdeorresa reuníronse no día de onte, 22 de novembro,  no Barco para escoller os cargos directivos da entidade. Joaquín Sánchez da Adega Alán de Val será o novo presidente  e como vicepresidenta foi elexida ,Montserrat Rodríguez, do Hotel Pazo do Castro. O resto da directiva queda composta tamén polo cargo de secretaria que ocupará Araceli Fernández da adega Godeval e o tesoureiro que será: Albán Macía da Casa Rural Pacio do Sil. Os representantes dos concellos de O Barco, A Rúa e o do Consello Regulador ocuparán os postos de vogais.
Entre os obxectivos da nova xunta directiva está a reactivación da actividade enoturística na comarca de Valdeorras e ampliar o número de asociados desta entidade. Os primeiros pasos irán enfocados a temas organizativos internos e tamén se vai solicitar unha reunión co presidente da Deputación de Ourense, José Manuel Baltar.
Os membros da nova xunta directiva foron escollidos nunha Asemblea Xeral Extraordinaria celebrada o pasado 3 de novembro. Dous representantes do sector público, dous do sector adegas e industrias agroalimentarias e outros dous do sector turístico e de ocio e un do Consello Regulador compoñen esta directiva seguindo as normas da entidade. 


Antecedentes
A Ruta do Viño de Valdeorras, constituída no ano 2009, renovou a súa xunta directiva en outubro do 2015. Os cambios na presidencia do Consello Regulador de Valdeorras levaron a que se tivera que disolver a xunta directiva no mes de marzo deste ano. O  presidente da Ruta, José Vicente Solarat,  deixou o cargo por non ter máis vinculación coa asociación que ser o representante do Consello Regulador. O regulamento marca que para formar parte da directiva da Ruta ten que ser asociado da mesma e polo tanto non podía seguir no cargo. Polo que se acordou que unha vez pasado o verán e a vendima se retomaría o tema.

Joaquín Sánchez, novo presidente da Ruta do Viño Valdeorras



No hay comentarios:

Publicar un comentario